Lupo Antso

Lupo Antso
Bizitza
Jaiotza	?
Herrialdea	Nafarroako Erresuma
Heriotza	1059
Familia
Seme-alabak	ikusi Fortun I.a Antso
Leinua	Ximeno etxea
Jarduerak
Jarduerak	aristokrata

Lupo Antso Lapurdiko bizkondea izan zen 1023-1059 urteetan. Antso III.a Nagusiak Iruñeko erregearen maiordomo eta lehengusua zen. Baionako apezpikutegiak hartzen zituen lurrak eduki zituen gobernupean Lapurdiko lehen bizkonde honek: Lapurdi, Nafarroa Garaiko ipar-mendebaleko alde bat, eta Gipuzkoako ipar-ekialdea Bidasoa ibaitik Urumea ibairaino.

Lapurdiko bizkondeaz agirietan agertzen den lehen aipamena 1059koa da: Raimundo Baionako apezpikuak Lupo Antso lehen bizkondeak Santa Maria eliza itzuli ziola aitortu zuenean^[1]. Lupok bizkonderria jaraunspenezko bilakatzea lortu zuen eta bere leinua ezarri zuen Baionako gaztelu-zaharrean.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.