Maria Malibran

Maria Malibran
Irudi gehiago
Bizitza
Jaiotzako izen-deiturak	María-Felicia García Sitches
Jaiotza	Paris, 1808ko martxoaren 24a
Herrialdea	Frantzia
Heriotza	Manchester, 1836ko irailaren 23a (28 urte)
Hobiratze lekua	Laeken Cemetery (en)
Heriotza modua	istripuzko heriotza: zaldi gainetiko erortzea
Familia
Aita	Manuel García
Ama	Joaquina Sitchez
Ezkontidea(k)	François-Eugène Malibran (en)  (1826 -  ezezaguna) Charles Auguste de Bériot (en)  (1836ko martxoa -
Seme-alabak	ikusi Charles-Wilfrid de Bériot (en)
Anai-arrebak	ikusi Manuel García (en) Pauline Viardot-García
Familia	ikusi Josefa Ruiz-García (en) (haurriderdi) Antonia Sitcher de Mendi (en) (lehengusina propio)
Hezkuntza
Hizkuntzak	frantsesa
Ikaslea(k)	ikusi Anna Schoen-René (en)
Jarduerak
Jarduerak	opera abeslaria, musikagilea, aktorea eta antzerki aktorea
Mugimendua	erromantizismoa
Izengoitia(k)	La Malibran eta Maria Malibran
Genero artistikoa	opera
Ahots mota	sopranoa mezzosopranoa
Musika instrumentua	ahotsa

Maria Felicia Malibran, María Felicia García Sitches jaioa (Paris, 1808ko martxoaren 24a - Manchester, 1836ko irailaren 23a) espainiar eta frantziar opera abeslaria izan zen, XIX. mendeko ezagunenetakoa. Kontralto eta sopranoa izan zen.

Manuel García tenorraren alaba eta Pauline Viardot abeslariaren ahizpa izan zen. Zortzi urterekin abestu zuen lehen aldiz Napolin, bere aitarekin batera. Hamazazpi urterekin Londresko King's Theatre abesbatzan abesten zuen. Urte horretan arrakasta izan zuen Rosinaren paperean, Sevillako bizargina operan.

Denboraldia amaitzean, García familia New Yorkera joan zen. Han antzeztu zuten lehen aldiz opera italiarra. Bederatzi hilabetez, Mariak paper nagusia abestu zuen zortzi operatan. François Eugène Malibran bankariarekin ezkondu zen, bera baino hogeita zortzi urte zaharragoa. Ezkondu eta hilabete gutxira bankariak porrot egin zuen eta urtebete geroago, Mariak utzi eta Europara joan zen.

Europan paper nagusia abestu zuen Gaetano Donizettiren Maria Stuarda operaren estreinaldian. Charles Auguste de Bériot biolinista belgikarraren maitalea izan zen eta seme bat izan zuten. Felix Mendelssohnek aria bat konposatu zuen bereziki bikotearentzat.

1834an Ingalaterran kokatu zen eta Londresen eta Europsen jarraitu zuen lanean. 1835eko apirilean Vincenzo Belliniren La sonnambula opera abestu zuen eta Veneziako San Giovanni Grisostomo antzokia zaharberritzeko dirua eman zuen. Esker onez, Antzokiak Teatro Malibran izena hartu zuen. 1836ko uztailean zalditik erori zen eta ez zen inoiz bere zaurietatik sendatu. Irailean Manchesterreko emanaldi batean eszenatokian kolapsatu eta astebete geroago hil zen. Bruselako mausoleo batean lurperatu zuten.

Kanpo estekak

• Datuak: Q232783
• Multimedia: Maria Malibran / Q232783