Souad Massi
| Souad Massi | |||
|---|---|---|---|
  Irudi gehiago | |||
| |||
| Bizitza | |||
| Jaiotza | Aljer, 1972ko abuztuaren 23a (51 urte) | ||
| Herrialdea |  Aljeria  Frantzia | ||
| Hezkuntza | |||
| Hizkuntzak | frantsesa arabiera | ||
| Jarduerak | |||
| Jarduerak | aktorea, egile abeslaria, gitarra-jotzailea, abeslaria eta estudioko musikaria | ||
| Genero artistikoa | pop musika | ||
| Musika instrumentua | gitarra ahotsa | ||
| Diskoetxea | Island Records | ||
| Sinesmenak eta ideologia | |||
| Erlijioa | islama | ||
| souad-massi.com | |||
               | |||
Souad Massi (Aljer, 1972ko abuztuaren 23a) kantari, abesti-egile eta gitarra-jotzaile aljeriarra da.
Biografia
Souad Massi Aljereko Bab El-Oued auzoan jaio zen. Familia musikazale bateko alaba zenez gero, chaabia, rock and rolla, popa, countrya, flamenkoa eta folka txikitan ezagutu zituen. Solfeoa eta gitarra ikasi ondoren, Triana d'Alger musika-taldean parte hartzen hasi zen 1989an.[1]
Aljeriako Gerra Zibilarengatik eta, bereziki, etxeratze-aginduengatik, bere karrera musikala eten eta hirigintza eta ingeniaritza ikasten hasi zen. Geroago, Atakor rock-taldean sartu zen, kutsu politikoak eta U2, INXS eta Led Zeppelin taldeen eragin nabarmenak zituena[2]; hirigintza-kabinete batean bekadun gisa lan egiten ari zela, kabinetetik atera zen eta musikari ekin zion berriro ere: taldearekin bilduma arrakastatsu bat grabatu zuen eta horrekin publiko anglosaxoian ezaguna egin zen.
1999ko urtarrilean, Parisko Cabaret Sauvageko "Aljeriako Emakumeak" jaialdira gonbidatu zuten[3], eta, horren ondoren, Frantzian geratu zen bizitzen eta Island-Mercury-rekin (Universal Music) kontratu bat sinatu zuen, jaioterrian mehatxatu egin baitzuten Atakor taldean parte hartzeagatik eta jarreran Aljeriako tradizioarekin bat ez etortzeagatik.[4] Pop eta arabiar-andalusi estiloak nahasten ditu. Atakorren parte hartu ostean, alde batera utzi zituen testu politikoak; gaur egun, kantetako hitzak pertsonalak dira, askotan tristeak, eta batez ere Aljeriako arabieraz, frantses eta amazigeraz. Duoak egin izan ditu Marc Lavoine, Bernard Lavilliers, Geoffrey Oreyma, Ismael Lo edo Florent Pagnyrekin[5], eta Orchestre National de Barbès-ekin ere aritu da.
Souad Massiren Mesk Elil (Gaueko dama) bildumak 2005eko munduko musikarik onenaren saria irabazi zuen, bai Frantzian, bai Erresuma Batuan.[6][7]
2007an, Acoustic izeneko hamabi kanta arrakastatsu biltzen dituen bilduma argitaratu zuen, urte bereko urtarrilean Théâtre La Coupole de Sant Louisen (Frantzian) emandako kontzertu batean zuzenean grabatutakoa.[8]
2010ean laugarren bilduma argitaratu zuen, Ô-Houria, musika-adierazpenean modu berriak bilatzeko asmoz.[9]
El Mutakallimun (2015) bilduman VI. mendeko poema arabiar batzuk biltzen ditu.[10]
Sarritan, Afrikako iparraldeko kantari onenetakotzat hartu izan da.[11] 2019an Oumniya bilduma kaleratu zuen, emozioetan hasi eta kontzeptu unibertsaletara zabaltzen den emakumeentzako omenaldia.[12]
Diskografia
- Raoui (2001) (Ipuin-kontalaria)
- Deb (2003)
- Mesk Elil (2005) (Gaueko dama)
- Live acoustique (2007)
- Ô Houria (2010)
- Mutakallimûn (2015) (Munduaren jabeak)
- Oumniya (2019)
- Sequana (2022)
Sariak eta errekonozimenduak
- 2006an, Les Victoires de la Musique-ko Munduko Musikako Diskorik Onenaren saria.
- 2011n, Les Victoires de la Musiqueko Munduko Musikako Diskorik Onenaren kategorian izendatu zuten Ô Houria bildumagatik.[13]
Erreferentziak
- ↑ «Souad Massi - Edad, ciudad natal, biografía» Last.fm.
- ↑ BBC News. "Africa's shining music stars". Consultado el 20 de septiembre de 2012.
- ↑ Carlos Galilea. "Souad Massi, la nueva voz femenina del mundo árabe ", Mujeres Mediterráneas / El País. Consultado el 20 de septiembre de 2012.
- ↑ «La argelina Souad Massi trae su voz pura y dulce a «Sons da diversidade»» La Voz de Galicia 17 de junio de 2004.
- ↑ «El folk rock argelino de Souad Massi | audio.urcm.net» audio.urcm.net.
- ↑ Galilea, Carlos. (4 de junio de 2006). Souad Massi, la nueva voz femenina del mundo árabe. ISSN 1134-6582..
- ↑ Galilea, Carlos. (2006-06-04). Souad Massi, la nueva voz femenina del mundo árabe. ISSN 1134-6582..
- ↑ «Souad Massi - Live Acoustique 2007» Discogs.
- ↑ «Souad Massi / Ô Houria» B!ritmos 30 de enero de 2011.
- ↑ Ibiza, Diario de. «Una voz del Magreb» ocio.diariodeibiza.es.
- ↑ «Soud Massi, la trovadora argelina» CANCIONEROS.COM.
- ↑ ««Oumniya», el sexto trabajo de Souad Massi» CANCIONEROS.COM.
- ↑ «WAM - World Around Music | Nova - Musikaze.com - SOUAD MASSI E HINDI ZAHRA, NOMINADAS EN LAS VICTOIRES DE LA MUSIQUE AL MEJOR DISCO» www.musikaze.com.
Kanpo estekak
- Webgune ofiziala
| Autoritate kontrola |
|---|
Datuak: Q236370
Multimedia: Souad Massi / Q236370
