Vladimir Tatlin

Vladimir Tatlin
Irudi gehiago
Bizitza
Jaiotza	Kharkiv, 1885eko abenduaren 16a (juliotar egutegia)
Herrialdea	Errusiar Inperioa  1917)  Sobietar Errepublika Sozialisten Batasuna  (1922 -
Heriotza	Mosku, 1953ko maiatzaren 31 (67 urte)
Hobiratze lekua	Novodevitxi hilerria
Heriotza modua	: gaixotasun infekziosoa
Familia
Seme-alabak	ikusi Anatoly Romov (en)
Hezkuntza
Heziketa	Penza Art School
Hizkuntzak	ukrainera errusiera
Irakaslea(k)	Dmytro Bezperchy (en)
Ikaslea(k)	ikusi Q12154253
Jarduerak
Jarduerak	margolaria, arkitektoa, eskultorea, unibertsitateko irakaslea, ilustratzailea, eszenografoa, diseinatzailea, grabatzailea, assemblage artist (en) , collagist (en) eta arkitektura proiektuen marrazkilaria
Lantokia(k)	Paris Berlin Mosku Penza San Petersburgo eta Kiev
Lan nabarmenak	ikusi Tatlin's Tower (en)
Mugimendua	Konstruktibismoa
Genero artistikoa	architectural view (en) figure (en) biluzia erretratua izadi hila
Musika instrumentua	bandura (en)

Vladimir Jevgrafovitx Tatlin (errusieraz: Влади́мир Евгра́фович Та́тлин; Kharkiv, Ukraina, 1885eko abenduaren 28a - Mosku, 1953ko maiatzaren 31) eskultore eta margolari sobietar konstruktibista bat izan zen.

1914an konstruktibismoa sortu zuen, eta sobietar abangoardiaren iradokitzaile nagusia bilakatu zen.

1915. urtea arte, margolari izateaz gainera, marinel- (Egipto, Grezia eta Turkiara egin zituen bidaiak) eta musikari-lanetan aritu zen (1913an Berlinen izan zen errusiar orkestra batekin). 1910. urtetik aurrera, talde kubofuturistekin eta primitibistekin izan zituen harremanak; 1912an erakusketa batean parte hartu zuen M. Larionov, Natalia Gontxarova eta K. Malevitx-ekin batera. 1920an Antoine Pevsner eta Naum Gabo elkartu zitzaizkion; geroago, El Lisitzki eta Aleksandr Rodtxenko.

Baina Picassoren eragina izan zen Tatlinen pinturan aipagarriena. 1915. urteko lehenengo pinturek Picassoren kubismoaren eragin nabarmena dute. Tatlinek A.M. Rodchenkorekin batera sortu zuen konstruktibismo mugimendua.

Iraultzaren garaian arte libre eta teknikako irakasle izan zen, eta garai horretan produktibisten inguruan aritu zen lanean. 1919an Hirugarren Internazionalaren omenezko monumentuaren eredua egin zuen (1920an erakutsi zen), baina lan hura ez zen inoiz gauzatu: dorre moduko bat zen, 400 metro garai, arkitektura eta eskultura batzen zituena (beira eta altzairuz eraikiko zen, eta barnean gela birakariak izango zituen). 1922. urtetik aurrera, Leningradon bizi zela, diseinu industrialean lan egin zuen. Moskura itzuli zenean, Zeramikako Institutu Teknikoko zuzendari izan zen. Stalinek abangoardiako taldeak desegiteko egin zuen dekretuaren ondoren, antzerki-lanak antolatzen aritu zen batez ere (1932-1953).

Tatlinek azken urteak Letatlin planeagailua diseinatzeari eman zizkion.

Iruditegia

• 
  Tatlin, 1913, Emakume modeloa/ Натурщица
• 
  Tatlin 1913, "Bizitza bat tsarraren alde" antzerkirako agertokiaren diseinua
• 
  Tatlin, 1916, Kontraerliebe
• 
  Tatlin, 1919–20, Hirugarren Internazionalaren monumentua
• 
  Tatlin, 1919–20, Hirugarren Internazionalaren monumentua
• 
  Tatlin, 1920s, jantzien diseinua
• 
  Tatlin, 1923–24, Jantziak
• 
  Tatlin, 1929-1931: Letatlin № 1.
• 
  Tatlin, 1930–1932, Letatlin № 3.
• 
  Tatlin, c. 1942, Leiho-garbitzailea eta V.ren erretratua

Erreferentziak

Wikimedia Commonsen badira fitxategi gehiago, gai hau dutenak: Vladimir Tatlin

Artikulu hau Sobietar Batasuneko biografia baten zirriborroa da. Wikipedia lagun dezakezu edukia osatuz.

• Datuak: Q310320
• Multimedia: Vladimir Tatlin / Q310320